ЯҢАЛЫКЛАР
27 сентябрь көнне Поповка авыл китапханәсендә язучы, шагыйрь һәм якташыбыз Бельская Надежда Ивановна белән очрашу узды. Ул туган авылына Воронеж өлкәсенең Яңа Усман районыннан бертуган абыйсы Золотухин Владимир янына кайтты.
Әҗәтләрен түли алмаган гражданнар үзләрен банкрот игълан итә алачаклар.
27 сентябрь көнне Васькино-Туйралы авыл китапханәсе авыл мәдәният йорты белән бергә өлкәннәр көненә багышланган тематик кичә оештырылды.
Чирлисең икән, битлек ки. Бу таләпне үтәмәүчеләрне административ җаваплылыкка тартырга тәкъдим итәләр. Көз җитү белән, грипп чире тарала башлый. Бу хакта табиблар гына түгел, депутатлар да борчыла. РФ Дәүләт Думасы депутаты Олег Михеев, Россиядә мәгариф, җәмәгать транспорты өлкәсендә санитария-эпидемиология таләпләрен үзгәртергә кирәк, дигән фикердә.
Хәмер кулланган яшүсмерләрне хезмәт ярдәмендә айнытырга кирәк. Россия Иҗтимагый палатасы вәкиле Солтан Хамзаев әлеге ысул ярдәмендә алкогольле эчемлек кулланган үсмерләрне акылга утыртмакчы. Бу көннәрдә ул Россия Дәүләт Думасына шундый эчтәлектәге закон проекты да керткән. Гамәлдәге закон нигезендә яшүсмергә хәмер саткан өчен генә җәза каралган.
2015 елның 1 октябрендә Казанның 420000нче почта элемтәсе бүлекчәсендә (Кремль урамы, 8нче йорт) футбол буенча дөнья чемпионатына багышлап чыгарылган почта конверты һәм маркасы тантаналы рәвештә рәсми әйләнешкә кертелү чарасы узачак.
Алдан өлкәннәр көне Ауропада билгеләп үтә башлаганнар иде, аннары Америкада, 1990 елның азагында – бөтен дөньяда.