Эш ярдәмендә айнытмакчылар

Сатучы бу гамәле өчен 30-50 мең сум кү­ләмендә штраф түләргә тиеш. Балигъ булмаган кешене спиртлы эчемлек кулланырга мәҗбүр иткән өчен 500 сумнан алып 1 мең сумга кадәр штраф каралган. Яшүсмер генә җәзасыз кала. Нәтиҗәдә, ул хәмер куллануны ниндидер тыелган эш дип кабул да итми, ди проект авторы.

 
“Шуңа күрә хәмер кулланган 12-18 яшьлек балигъ булмаган затларны административ җавап­лы­лыкка тартырга кирәк. Бу очракта җәмәгать эшен­нән дә нә­тиҗәлерәк җәза юк. Мондый яшүсмерләрне социаль яктан файда ки­тергән эшләргә җәлеп итәргә кирәк”, – ди Хамзаев. Депутат фикеренчә, картлар йортында көн күрүче өлкәннәргә ярдәм иткән, мәктәп, хастаханә бинасын җыештырып җәза үтәгән үсмернең хәмергә үреләсе килү теләге кимер. Әйтергә кирәк, яшьләрне алко­гольгә бәйлелектән коткаруга бәйле беренче генә тәкъдим бу. Хәтер­ләсәгез, 22 сентябрь көнне сенатор Антон Беляков Россия Дәүләт Думасына хәмерне 21 яшьтән генә сата башлауны күздә тоткан закон проекты керткән иде. Бу тәкъдимне Роспот­ребнадзор идарәсе дә хуп­лады.

(“Ватаным Татарстан”,   /№ 143, 30.09.2015/)