ЯҢАЛЫКЛАР

Авыл халкына медицина хезмәте күрсәтү сыйфатын яхшырту максатыннан ел башыннан Поповка табиблык амбулаториясендә район үзәк хастаханәсенең тар белгечләренә алдан язылу кертелгән.

Авыл хуҗалыгы предприятиеләрендә техниканы кыр эшләренә
әзерләү бара. Моның өчен район хужалыкларында жылытыла торган 13 остаханә һәм техника ремонтлау һәм көйләү өчен 35 ремонт пункты бар.

Гыйнвар аенда өч баулылының банк карталары исәп-хисап счётыннан акча урлаганнар. Алар барысы да - бер үк банк клиентлары. Узган ел шундый өч очрак теркәлгән булган.

“Хокук нигезләре” факультетының чираттагы дәресендә өченче буын университеты студентлары торак-коммуналь хуҗалыгы эшчәнлегенә кагылышлы сорауларга жавап алдылар.

“Хезмәткә дан” газетасына район башкарма комитетыннан хәбәр итүләренчә, Октябрь мәйданында уздырылучы шимбә ярминкәләре 1 мартка кадәр дәвам итәчәк.

Гыйнвар аенда баулылыларны эт тешләүнең 3очрагы теркәлгән (берсе - бала), ике очракта кешеләр хуҗасыз этләрдән зыян күргәннәр.

Район үзәк китапханәсенең “Илһам” иҗат берләшмәсе һәм “Ялкын” берләшмәсе чираттагы утырышларын Татарстанның халык шагыйре Фәнис Яруллинның Кызылъяр авылындагы музей-йортында уткәргәннәр.

Башкортстанлылар Баулы территориясендә мошенниклар тозагына эләккән.

“Баулынефть” идарәсе, Баулы шәһәренең төзекләндерү һәм яшелләндеру идарәсе хезмәт коллективлары бер көнлек хезмәт хакларын Жиңу фондына күчерү башлангычы белән чыктылар.