Татарстанда яшьләр өчен TAT+ проекты старт алды
Республикада яшьләрне һәм төбәк бизнесын берләштерүче яңа TAT+ социаль проекты эшли башлады. Программада катнашучылар, кафе һәм спорт клубларыннан алып мәгариф үзәкләренә һәм медицина клиникаларына кадәр, 20дән артык партнердан махсус тәкъдимнәр ала алачак.
Катнашучы булу өчен 18 яшьтән өлкәнрәк яшьләргә 18-20 сентябрьдә сайлау участокларында тавыш бирү вакытында махсус TAT+ беләзеген алу да җитә. Беләзек катнашучының идентификаторы булачак һәм проект партнерларыннан ташламаларга, бонусларга һәм бүләкләргә юл ачачак.
Уйнату призлары арасында — Дагестанга юллама, ноутбук, 50 мең сумлык сертификат, ярты ел программалаштыру яки ясалма интеллектка өйрәтү, спорт экипировкасы һәм башка кыйммәтле бүләкләр.
Партнерлар һәм акцияләр шартлары турында нечкәлекләр проектның рәсми ресурсларында 18 сентябрьгә кадәр бастырылачак. Проект партнерлык челтәрен киңәйтергә планлаштыра, шул исәптән Татарстан муниципаль районнары бизнесы хисабына да.