Баулыда тавыш бирү азагына якынлаша

Роза Ибраһим кызы гомере буе укытучы, ә Владимир Владимирович «Баулынефть» НГТИ системасында инженер-икътисадчы булып эшләгән. Ир белән хатын сайлауларны беркайчан да калдырмыйлар – алар өчен бу мөһим гражданлык бурычы, һәм алар бүген дә үз позицияләрен белдерү өчен килгәннәр.

 - Без булмасак, кем? Һәркем үз-үзенә бу сорауны бирергә тиеш. Тавыш бирү – безнең бурычыбыз. Яшьләрне һичшиксез сайлауларда катнашырга чакырам. Әгәр тавыш бирмисең икән, димәк, үз илең тормышында катнашмыйсың, - диде Роза ханым.

1025 нче участокның барлык өч көне дә тыныч уза. Бигрәк тә беренче тавыш бирү көнендә сайлаучыларның күпләп килүе күзәтелгән. Биредә 1023 сайлаучы теркәлгән.

- Барысы да яхшы уза, сайлаучылар килә һәм тавыш бирә, участокта стандарт регламент — гражданнарның үзләре белән паспорты булырга тиеш. Хәзерге вакытта хокук бозулар яки кисәтүләр турында хәбәрләр килмәде, - дип билгеләп үтте участок рәисе Руслан Хәбибуллин.

Баулы районында сайлаулар оешкан төстә уза. Нәкъ 20:00 дә, участоклар ябылганнан соң, тавышларны санау башлана.