«Ел экспортеры» конкурсы
Татарстан Республикасы Икътисад министрлыгы, «Кече һәм урта эшмәкәрлек һәм шәхси эшмәкәрлек инициативасына ярдәм» милли проектын гамәлгә ашыру кысаларында, ел саен үткәрелә торган «Ел экспортеры» төбәк конкурсында катнашу өчен гаризалар кабул итү башлануы турында хәбәр итә.
Конкурс «Татарстан Республикасы эшмәкәрлеккә ярдәм фонды» коммерцияле булмаган микрокредит компаниясе тарафыннан Министрлык ярдәме белән үткәрелә.
Конкурсның максаты – Татарстан Республикасы кече һәм урта эшмәкәрлек субъектларының тышкы икътисади эшчәнлеген үстерүгә ярдәм итү, кече һәм урта эшмәкәрлек-экспортчылар субъектларының алдынгы тәҗрибәсен тарату мөмкинлеген тәэмин итү.
Конкурста катнашу өчен документлар http://exportergoda-rt.ru/ сайтында кабул ителә.
Конкурста катнашу өчен Татарстанның кече һәм урта эшмәкәрлек субъектлары предприятиеләре-экспортерлары чакырыла (2007 елның 24 июлендәге 209-ФЗ номерлы Федераль закон нигезендә).
2023 елгы конкурста җиңгән предприятиеләр конкурста катнаша алмый. Шулай ук конкурсант-предприятие конкурста бердән артык номинациядә катнаша алмый.
Түбәндәге номинацияләр билгеләнә:
Төп номинацияләр:
Сәнәгать өлкәсендә иң яхшы экспортер;
Хезмәтләр өлкәсендә иң яхшы экспортер;
АГРОСӘНӘГАТЬ комплексы өлкәсендә иң яхшы экспортер;
Югары технологияләр өлкәсендә иң яхшы экспортер;
Ел ачышы;
Иң яхшы хатын-кыз экспортер;
Иң яхшы яшь эшмәкәр-экспортер.
Өстәмә номинацияләр:
Иң экзотик экспорт иле;
Экспорт географиясе;
Иң яхшы гаилә экспорт компаниясе;
Яңа экспорт продукты;
Иң яхшы социаль эшмәкәрлек экспортеры;
Иҗади индустриянең иң яхшы экспортеры.
Экспортер компаниясе кейсы карары буенча, югары уку йортлары студентлары өчен аерым номинация билгеләнгән. Әлеге номинация буенча проектлар tatexport@yandex.ru электрон почта адресына, 4-нче Кушымтага ярашлы формада, кабул ителә.
Татарстан Республикасы эшмәкәрләрен - тышкы икътисади эшчәнлектә катнашучыларны, конкурста катнашырга, кече һәм урта эшмәкәрлек арасында экспорт эшчәнлеге лидеры булырга чакырабыз.
"Ел экспортеры-2024" - республика товар җитештерүчеләренең тышкы икътисади эшчәнлеге буенча иң яхшы тәҗрибәсен һәм практикасын алга этәрү өчен мәйданчык.
Катнашу мәсьәләләре буенча түбәндәге телефоннар буенча мөрәҗәгать итәргә: +79179324851, +78432229060 Хәкимов Роман (доб.313), Вәлиев Айрат (доб. 278).