Татарстан Республикасы буенча СФР бүлеге эш бирүчеләргә икътисади эшчәнлекнең төп төрен раслау кирәклеге турында искә төшерә
Россия Социаль фондының Татарстан бүлеге ел саен 15 апрельгә кадәр барлык эш бирүчеләр (теләсә нинди оештыру-хокукый формадагы юридик затлар) производствода бәхетсезлек очракларыннан һәм һөнәри авырулардан мәҗбүри социаль иминиятләштерү буенча икътисадый эшчәнлекнең төп төрен расларга тиешлеген искәртә.
Әлеге процедура оешманың быел нинди һөнәри куркыныч классын һәм мәҗбүри социаль иминиятләштерүгә иминият взнослары тарифын билгеләргә мөмкинлек бирә.
"Искәрмә булып икътисади эшчәнлекнең төп төрен раслау таләп ителмәгән шәхси эшмәкәрләр тора. Мондый иминиятләштерүчеләр өчен ОВЭД (икътисади эшчәнлек төрләренең гомумроссия классификаторы) шәхси эшмәкәрләрнең Бердәм дәүләт реестрында күрсәтелгән төп эшчәнлек төренә туры килә. Шулай ук билгеләп үтәм, ОВЭД эшчәнлегенең беренче елында, узган елда үз эшчәнлеген башкармаган, яңа төзелгән иминиятләштерүчеләр тарафыннан расланмый», — диде Татарстан Республикасы буенча ОСФР (Россиянең берләшкән социаль фонды) идарәчесе Эдуард Вафин.
Икътисади эшчәнлекнең төп төрен раслау өчен, иминиятләштерүчеләргә теркәлү урыны буенча СФР территориаль бүлегенә түбәндәге документларны тапшырырга кирәк:
- икътисади эшчәнлекнең төп төрен раслау турында гариза;
- икътисади эшчәнлекнең төп төрен раслау өчен белешмә-раслау;
- узган елгы бухгалтерлык балансына аңлатма язуының күчермәсе (кече эшмәкәрлек субъектлары иминиятләштерүчеләрдән тыш).
Мөһим! Әгәр иминиятләштерүчеләр әлеге документларны (СФР) Россия социаль Фонды территориаль органына тапшырмаса, аларның эшчәнлеге юридик затны теркәү вакытында ЕГРЮЛда күрсәтелгән һөнәри куркынычның иң югары классы булган икътисади эшчәнлек төренә кертеләчәк.
Документларны электрон формада дәүләт хезмәтләре порталы, махсус элемтә операторлары, шәхсән СФР бүлекчәсенең клиент хезмәтләрендә, шулай ук Россия Социаль фонды сайтында иминиятләштерүченең шәхси кабинетында тапшырырга мөмкин. Өстәмә мәгълүматны иминиятләштерүчеләр өчен СФР төбәк контакт-үзәгенең телефон номеры буенча алырга мөмкин: 8 (843) 279-27-66.