Әниләр көне бәйрәме алдыннан, Баулы шәһәрендә яшәүче Роберт һәм Альбина Зариповлар гаиләсендә бишенче бала туа. Бәхетле әти-әни яңа туган балага Ямина дигән матур исем бирәләр.
Зариповлар гаиләсе бик тырыш. Роберт-җирле эшмәкәр, Альбина-балалар клубы җитәкчесе.
ГХАТ бүлеге бәхетле гаилә башлыгын кызы туу белән котлады, яңа туган сабыйның беренче документын – туу турында таныклык, Татарстан Республикасы Президенты Р. Н. Миңнеханов исеменнән котлау хаты һәм символик бүләк тапшырды.