Баулы пилотлары Лениногорскида призлы урыннар яуладылар

2020 елның 10 феврале, дүшәмбе

Лениногорскида ТР ДОСААФ Кубогына Татарстан Республикасы көньяк-көнчыгышының бишенче кышкы этабы ярышлары узды, анда Урыссу, Баулы, Лениногорск, Азнакай, Бөгелмә, Сарман, Түбән Кама, Яр Чаллы, Казан, Октябрьский, Уфа, Бирск, Ижевск, Ува шәһәрләреннән 80 спортчы катнашты.

Ярышларда "Яшьләр дөньясы" күппрофильле яшьләр үзәге каршындагы "Пегас" картинг-клубыннан 15 пилот катнашты.

Гомумкоманда зачетында "Пегас" картинг-клубы алты команда арасында икенче урынны алды.