Авырмый түзеп кара

“Ә менә сау-сәламәт хезмәткәрләр өчен бүген бернинди кызыксындыру чарасы каралмаган”, – ди ул.  Гриб әлеге закон проекты ярдәмендә берьюлы ике куянның койрыгын тотмакчы.   “Бер тапкыр да авырмаган өчен өстәмә өч көн ял бирелә калса, илдә сәламәт яшәү рәвеше алып барырга теләүчеләр саны артыр иде. Шул ук вакытта илдә кирәксә-кирәкмәсә “больничный” кәгазе алучылар да кимер иде. Юкса, хәзер күп­ләр бу кәгазьне дәвалану өчен түгел, ял итү өчен генә ала”, – ди проект авторы. 

 
Әлеге закон проекты җәмәгатьчелектә шактый каршылыклы фикерләр уятырга өлгергән инде. Әйтик, “Опора России” эшмәкәрләр берләшмәсе вице-прези­ден­ты Александр Жарков өстәмә яллар мәсьәләсен эш бирү­челәр үзләре хәл итәргә тиеш дип саный “Еш кына хез­мәткәрдән “больничный” кә­газен сорап та тормыйлар. Күп очракта бу аларны озын-озак чиратларда тотмас өчен эшләнә. Аннары хәзер хез­мәткәрләрне иминият­ләш­терү дә популярлашты. Миңа калса, кирәк чакта өстәмә өч көн ял сорап кер­гән кешегә бер генә җитәкче дә каршы кил­мәячәк”, – ди Жарков. Пациентларны як­лау лигасы президенты Александр Саверский исә кеше­нең өч көн ял өчен генә сәламәт яшәү рәвеше алып бара башлавына сагаеп карый.  “Кешеләр “больничный” алмыйча гына авырый башлаячак. Бүген болай да күпләр, эшен югалтудан куркып, авыруны аяк өстендә уздыра бит. Нәти­җәдә чир хроник авыруга әверелә. Бу исә хез­мәткәрнең эшкә сәләтлелеген сизелерлек киметә”, – ди ул.

(“Ватаным Татарстан”,   /№ 157, 21.10.2015/)