Татарстан бюджетыннан шәхси затларның терлек биналарын яңартуга акча бүленеп биреләчәк

2015 елның 8 октябре, пәнҗешәмбе
Татарстан бюджетыннан шәхси затларның терлек биналарын яңартуга акча бүленеп биреләчәк. Төбәк бюджетыннан дотацияләргә 4,5 һәм 6 сыер асраучылар өметләнә ала. Бу хакта бүген агросәнәгать комплексының 2015 елгы эшенә нәтиҗә ясауга багышланган матбугат конференциясендә ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов белдерде.

Аграр тармак башлыгы белдергәнчә, шәхси хуҗалыкларга терлек биналарын яңартуга 200 әр мең сум бүлеп бирү планлаштырыла.

Моннан тыш, күптән түгел шәхси ярдәмче хуҗалыкларга, яшь терлек сатып алганда, 15 әр мең сум бирү турында карар кабул ителде.

Ведомство җитәкчесе узган җәйдә республика бюджетыннан һәр савым сыер башыннан 3 мең сум, ә яше тулган һәр кәҗә башыннан 1 мең сум бүлеп бирелүен искәртте.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Баулы районы турында
Документлар
Матбугат хезмәте
Каршы элемтә
Телефон: (85569) 6-07-00
Факс: (85569) 6-07-25
E-Mail: Ispolkom.Bavly@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International