Баулы районы башлыгы Ураза бәйрәме белән тәбрикли

Хөрмәтле мөселманнар!

Ислам дөньясында иң күркәм бәйрәмнәрнең берсе булган Ураза бәйрәме якынлаша. Ул ялганнан, низаглардан баш тартуга багышланган изге Рамазан ае тәмамлануын аңлата.

Ураза аенда игелекле гамәләр кылган, мохтаҗларга ярдәм иткән, хәйрия акцияләрендә катнашкан, толерантлык идеяләрен тараткан якташларыма чын күңелемнән рәхмәт әйтәм.

Ураза бәйрәме һәр йортка, һәр гаиләгә иминлек, бәхет-шатлык, татулык алып килсен.

Альберт Хәбибуллин

Баулы муниципаль районы башлыгы