"Асылташ"ның зур уңышы

М.Җәлил исемендәге мәдәният йортында Кызылъяр авылының “Асылташ” хореография коллективының (җитәкчесе Илсөяр Дәүләтшина) отчет концерты узды.

«Изумруд», «Рубин» һәм «Сапфир» төркемнәре тамашачыларга матур номерлар бүләк итте. Мәдәният бүлеге җитәкчесе Рәмзия Моратова яшь биючеләргә хезмәтләре өчен рәхмәт белдерде, иң актив әти-әниләргә рәхмәт хатлары тапшырды һәм яңа иҗади җиңүләр теләде.

Программада яңа һәм тамашачылар яраткан композицияләр яңгырады. Бу матур бию бәйрәмен оештыруда ярдәм иткән ата-аналарга, балаларга һәм һәркемгә зур рәхмәт!