"Татарстан Республикасының иң яхшы товарлары һәм хезмәтләре" конкурсы
«Россиянең иң яхшы 100 товары» Бөтенроссия конкурсы Программасының төбәк этабы сыйфатында уздырыла торган «Татарстан Республикасының иң яхшы товарлары һәм хезмәтләре» конкурсының оештыру комитеты тарафыннан, 2026 елда чираттагы конкурсны башлап җибәрү турында карар кабул ителде.
Конкурс Татарстан Республикасы Министрлар Кабинетының 2003 елның 26 декабрендәге 1969-р номерлы күрсәтмәсе нигезендә республика предприятиеләрен җитештерелә торган продукциянең һәм күрсәтелә торган хезмәтләрнең сыйфатын өзлексез яхшыртуга стимуллаштыру максатларында гамәлгә куелды. Ул алты номинация буенча үткәрелә: «Азык-төлек товарлары», «Халык өчен сәнәгать товарлары», «Җитештерү-техник билгеләнештәге продукция», «Халык өчен хезмәт күрсәтүләр», «Җитештерү-техник билгеләнештәге хезмәт күрсәтүләр», «Халык һәм сәнгать кәсепләре эшләнмәләре».
Үзенең 20 елдан артык тарихында конкурс республика товар җитештерүчеләренең казанышларын күрсәтү һәм тәҗрибә уртаклашу өчен иң уңышлы һәм абруйлы мәйданчыкларның берсенә әверелде. Ул үз урынын тапты, массакүләм һәм танылган булды. Бүген конкурс киң колачлы проект булып тора, аның географиясе республикабызның бөтен территориясен колачлый, ә продукция спектры – икътисадның барлык тармакларын диярлек үз эченә ала.
Продукция/хезмәтләре конкурс лауреатлары һәм дипломантлары булган оешмалар конкурс логотибын маркетинг максатларында куллану, аны озата баручы документациядә һәм үз продукциясе төргәгендә урнаштыру хокукына ия булалар. Иң яхшы товарлар һәм хезмәтләр турындагы мәгълүмат республиканың әйдәп баручы массакүләм мәгълүмат чараларында урнаштырыла, шулай ук конкурста җиңүчеләрнең еллык каталогына эләгә, ул Татарстанның бизнес-бергәлекләре арасында таратыла, республика министрлыклары һәм ведомстволары җитәкчеләренә, муниципаль районнар башлыкларына, шулай ук Татарстан Республикасының сәүдә вәкиллекләренә җибәрелә.
«Татарстан Республикасының иң яхшы товарлары һәм хезмәтләре» республика конкурсында җиңүчеләргә «Россиянең иң яхшы 100 товары» Программасын Бөтенроссия конкурсының федераль этабына чыгару хокукы бирелә.
Конкурста катнашуга гаризаларны 2026 елның 17 апреленә кадәр «Татарстан ЦСМ» ФБУга best@tatcsm.ru электрон почтасы аша җибәрергә кирәк, элемтә өчен телефоннар (843) 233-18-13, 233-18-57.
Конкурста катнашу шартлары һәм кирәкле документлар исемлеге турында тулырак мәгълүмат белән Татарстан ЦСМ ФБУ сайтында конкурс бүлегендә https://test.tatarstan.ru/bestoftatarstan.htm танышырга мөмкин.