Баулы районы башлыгы МХО зонасындагы хәрбиләр янында булып кайтты
Гуманитар йөк Баулы районында яшәүчеләрнең актив катнашында җыелды - якташларыбызның бердәмлеге һәм битараф булмавы алгы сызыктагы сугышчыларга ярдәм итү өчен кирәкле әйберләр һәм товарлар җыелмасын формалаштырырга мөмкинлек бирде.
Баулы районы башлыгы Ильяс Гозәеров хәрбиләр белән шәхсән очрашу һәм аларга чираттагы гуманитар ярдәм партиясен тапшыру өчен махсус хәрби операция зонасына эш сәфәре кылды.
Очрашу барышында Ильяс Гозәеров хәрбиләр белән аралашты, алып барылган гуманитар йөкләрне тапшырды. Сугышчылар, үз чиратында, район башлыгыннан ярдәм күрсәткән баулыларга ихлас рәхмәт сүзләрен җиткерүен сорадылар.
Ильяс Гозәеров гуманитар ярдәм җыюда булышкан район халкына рәхмәт сүзләрен әйтте.
- Сезнең ярдәм – ул безнең сугышчыларга алга барырга ярдәм итә торган көч, - дип ассызыклады район башлыгы.
Очрашу азагында Ильяс Гозәеров хәрбиләрнең үзләренә җылы сүзләр белән мөрәҗәгать итте: ул аларга хезмәтләре һәм илебезне саклаганнары, яклаган өчен рәхмәт белдерде, ныклы рух, сәламәтлек һәм тизрәк җиңү белән өйгә кайтуларын теләде.