Баулыда беренчел профсоюз оешмасының хисап җыелышы узды
Баулыда беренчел профсоюз оешмасының хисап җыелышы булды. Чарада Баулы муниципаль районы Башкарма комитетының эшләр идарәчесе, Татарстан Республикасы Баулы муниципаль районындагы республика комитетының ышанычлы кешесе Могыйнов Хәким Сәгыйть улы, Баулы муниципаль районы башлыгы урынбасары Тимофеев Станислав Николаевич, БМР башкарма комитеты җитәкчесенең беренче урынбасары Хөснуллина Ильмира Илдус кызы, шулай ук профсоюз оешмаларының барлык җитәкчеләре катнашты.
Җыелышта төп доклад белән Баулы муниципаль районы Башкарма комитетының эшләр идарәчесе Хәким Сәгыйть улы чыгыш ясады. Ул профсоюз әгъзаларына социаль ярдәмнең гамәлгә ашырылган чаралары, үткәрелгән конкурслар, спорт, мәдәни-массакүләм чаралар турында сөйләде.
Җыелыш бүләкләү тантанасы белән тәмамланды.