Баулы районында вакансияләр ярминкәсе узачак

2026 елның 20 феврале, җомга

20 февральдә 10:00-12:00 сәгатьләрдә “Россиядә эш” кадрлар үзәгендә “Кадрлар” милли проекты кысаларында оештырылган чара узачак. 

Вакансияләр ярминкәсенә махсус хәрби операциядә катнашучылар һәм аларның гаилә әгъзалары чакырыла.

Белгечләр туры килерлек эш табарга һәм эш бирүчеләр белән турыдан-туры аралашырга ярдәм итәчәкләр, хезмәт шартлары һәм хезмәт хакы дәрәҗәсе турында киңәшләшәчәкләр, резюме төзүдә ярдәм итәчәкләр, дәүләт ярдәме чаралары һәм социаль гарантияләр турында хәбәр итәчәкләр.

Ярминкә Баулы шәһәре, Энгельс урамы, 56 адресы буенча узачак.