Баулы үзәк район хастаханәсендә капиталь ремонт башланды
Хөрмәтле Баулы районы халкы!
Безнең хастаханәдә «Россия Федерациясе сәламәтлек саклауның беренчел звеносын модернизацияләү»федераль проекты кысаларында капиталь ремонт башланды. Бу күптән көтелгән үзгәрешләр сезнең һәрберегез өчен медицина ярдәме алуны уңайлырак итәчәк.
Ремонттан соң нәрсә үзгәрәчәк? Хатын-кызлар консультациясендә булачак әниләр үзләрен тыныч һәм ышанычлы итеп хис итсен өчен монда якты, иркен һәм уңайлы булачак. Поликлиниканың физик терапия бүлеге аерым керү һәм пациентларны реабилитацияләү өчен кирәкле шартлар алачак. Шулай ук аерым амбулатор-диагностик бүлекчә барлыкка киләчәк, анда тикшерүләр җиңелрәк һәм тизрәк узачак, барысы да бер урында тупланачак.
Эшләрне 2026 елның 3 нче кварталында тәмамлау планлаштырыла.
1 һәм 2 нче терапия бүлекләре стационарның төп бинасының 2 нче катына күчерелде, килүчеләр өчен керү урыны - кабул итү бүлеге аша. Бу кабул итү бүлеге, реанимация, рентген һәм УЗИ-кабинетлар урнашкан бина, шулай ук авыруларны йөртү өчен лифт та бар. Шул рәвешле безнең пациентларга сыйфатлы медицина ярдәме күрсәтү өчен барлык кирәкле шартлар тудырылган.
Без ремонтның вакытлыча уңайсызлыклар тудыруын аңлыйбыз: кайдадыр тавышлы, кайдадыр бераз авырлыклар белән бу башлаган эшне тәмамларга туры килер. Бигрәк тә без төзелеш мәйданчыгы янында урнашкан педиатрия бүлегенең кечкенә пациентларының әти-әниләреннән аңлауны сорыйбыз.
Бу ремонт сезнең өчен эшләнә. Балаларыгыз, булачак әниләр, өлкән яшьтәге әти-әниләрегез заманча, якты һәм уңайлы шартларда медицина ярдәме алсын өчен.
Сабырлыгыгыз һәм ышанычыгыз өчен рәхмәт!
Хөрмәт белән, Баулы үзәк район хастаханәсе администрациясе