Бүген Баулыда "Мөнәҗәтләр һәм бәетләр" фестивале узды

2026 елның 13 феврале, җомга

Фестивальне Ак калфак оешмасы район мәдәният йорты ярдәме белән әзерләде. Фестиваль Баулы районы имам мөхтәсибе Әнвәр хәзрәт Хәмитов чыгышы белән башланды. Баулы шәһәре һәм район авылларыннан килгән мөнәҗәтчеләр катнашып, дипломнарга ия булдылар. Шалты авылыннан Наҗия ханым Гыйльфанова, Фәүзия ханым Канипова, Нәзифә ханым Сәяхова, Яңа Чүте авылыннан Фәнзия ханым Галләметдинова, Баулы шәһәреннән Сәвия ханым Низамова, Зәйтүнә ханым Ибраһимова, Фәүзия ханым Кәримова әйткән мөнәҗәтләр фестиваль бизәге булдылар. Төрледән- төрле, борынгы һәм яңа мөнәҗәтләр күңелләрне сафландырды.  "Инсаният" мөнәҗәт әйтүчеләр төркеме "Сугышлар тынгач" дип исемләнгән театраль күренештә дүрт мөнәҗәт һәм икенче чыгышларында тагын ике мөнәҗәт әйтте.