11 февральгә һава торышы фаразы
Россия Гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Һава температурасы түбәнәйгәндә:
Салкында төп куркыныч факторлар: каты һәм дымлы аяк киеме, кан тамырлары проблемалары, спиртлы эчемлекләр, шулай ук хәлсезлек һәм артык талчыгу. Суыктан саклану өчен җылы киенергә, баш киемсез һәм шарфсыз урамга чыкмаска, даими хәрәкәттә булырга кирәк.
Көчле салкыннарда ерак сәфәрләргә чыкмасаң яхшырак. Машина механизмнарында проблемалар килеп чыгарга мөмкин. Еракка йөрүче шоферларга да куркынычсызлык кагыйдәләре турында онытмаска кирәк: җылы киенергә, җылы киемнәр һәм аяк киеме, кайнар чәй алырга, ягулык запасы да булырга тиеш.
Машина белән барганда узып китүләрне булдырмаска кирәк.
Кинәт тормоз бирүдән сакланырга кирәк: кирәк булганда тукталыш тизлеген әкрен генә киметергә. Тормоз педалына берничә тапкыр басып алырга һәм шуның белән арттан килгән машина йөртүчесен кисәтә аласыз.
Өшегән вакытта беренче ярдәм:
Әгәр дә туңсагыз, берничә сәгать җылы бүлмәдә утырыгыз. Өшегән булсагыз, шунда ук табибка мөрәҗәгать итегез.
- Дымланган киемне салдырып, туңган кешене җылы одеялга төрегез. Зыян күргән тән участокларына кагылмаска кирәк!
- Зыян күргән кешенең аяк-кулын 40-42 градуслы җылы суга батырыгыз һәм тиресе алсу төскә кергәнче тотыгыз. Әгәр дә кешенең йөзе яки колаклары туңса, җылы компрессны йомшак сөлге белән ясагыз.
- Зарарланган җирне чиста әйбер белән урап куегыз. Әгәр дә аяк яки кул бармаклары өшегән булса, инфекция зарарланган тире аша үтмәсен өчен, һәр бармакны төрергә яки бармаклар арасына мамык шарлар куярга кирәк.
- Җылы эчемлекләр эчәргә кирәк. Бу гадәти тән температурасын торгызырга һәм кан әйләнешен яхшыртырга ярдәм итәчәк.
Җил көчәйгәндә:
1. Биналардан чыгуны чикләргә. Балаларны караучысыз калдырмау мөһим.
2. Әгәр дә көчле җил вакытында урамда булсагыз, без сезгә җир асты юлларында яки йорт подъездларында яшеренергә киңәш итәбез. Көчле җилдән йорт диварлары янында яшеренергә кирәкми, чөнки түбәләрдән шифер һәм башка түбә материаллары төшәргә мөмкин. Бу җәмәгать транспорты тукталышларына, төзелмәгән биналарга да кагыла.
3. Урамда реклама щитларыннан, элмә такталардан, юл билгеләреннән, электр линияләреннән ерак торырга кирәк
4. Зур агачлар янында булырга ярамый, шулай ук алар янында автотранспорт куярга ярамый.
5. Көчле җил булганда электр линиясе астында тору һәм өзелгән электр чыбыкларына якынлашу куркыныч тудыра.
6. Куркынычны өске кат тәрәзәләреннән төшкән ватылган пыялалар, шулай ук җил белән урынынан өзелгән түбә һәм башка бина элементлары да тудыра ала.
7. Йортларның барлык тәрәзәләрен тыгыз итеп ябарга, балконнардан һәм лоджияләрдән тышка төшеп китү ихтималы булган предметларны алырга кирәк.
8. Торак йорт яки эш бүлмәсендәге тәрәзәләрдән мөмкин кадәр ераграк торырга кирәк.