2026 елның 1 гыйнварыннан Татарстан Республикасында минималь хезмәт хакы турында
Татарстан Республикасы Хезмәт, халыкны эш белән тәэмин итү һәм социаль яклау министрлыгы хәбәр итүенчә, 2025 елның 1 гыйнварыннан «Хезмәт өчен түләүнең минималь күләме турында» Федераль законның 1 статьясына үзгәреш кертү хакында» 2025 елның 28 ноябрендәге 429-ФЗ номерлы Федераль закон белән Россия Федерациясе территориясендә хезмәткә түләүнең минималь күләме аена 27 093 сум дәрәҗәсендә билгеләнгән.
Татарстан Республикасында Россия Федерациясе Хезмәт кодексының 133.1 статьясы нигезендә 2025 елның 16 декабрендә Татарстан Республикасы Профсоюзлар федерациясе, Татарстан Республикасы Эш бирүчеләр берләшмәләренең Координация советы, Татарстан Республикасында минималь хезмәт хакы турында Татарстан Республикасы Министрлар Кабинеты арасында Килешү төзелде (алга таба - Килешү).
Күрсәтелгән Килешү нигезендә, 2026 елның 1 гыйнварыннан Татарстан Республикасы икътисадының бюджеттан тыш секторы оешмаларында аена 28 160 сум күләмендә минималь хезмәт хакы билгеләнә.
Россия Федерациясе Хезмәт кодексының 133.1 статьясы, Килешүнең 1 һәм 5 статьялары нигезендә, Татарстан Республикасы территориясендә эшләүче һәм оешма - юридик зат, Татарстан Республикасы территориясендә эшчәнлек алып баручы юридик зат булмаган шәхси эшмәкәр белән хезмәт мөнәсәбәтләрендә торучы икътисадның бюджеттан тыш секторы хезмәткәренең айлык хезмәт хакы (компенсация һәм кызыксындыру характерындагы түләүләрне дә кертеп), күрсәтелгән хезмәткәрнең бу чорда эш вакыты нормасы тулысынча эшләнгән һәм хезмәт нормалары (хезмәт бурычлары) үтәлгән очракта, 2026 елның 1 гыйнварыннан 28 160 сумнан да түбәнрәк була алмый.
Татарстан Республикасы дәүләт һәм муниципаль учреждениеләре хезмәткәрләре өчен минималь хезмәт хакы «Хезмәт өчен түләүнең минималь күләме турында» Федераль закон (ягъни 2026 елның 1 гыйнварыннан аена 27 093 сум) нигезендә билгеләнә.
Шуңа бәйле рәвештә, алар эш вакытының айлык нормасын (хезмәт бурычларын үтәгәндә) үзләренең хезмәт хокукларын яклау һәм хокукый чара күрү максатларында билгеләнгән минималь хезмәт хакының күләменнән түбәнрәк булган очракта, аларга бер ай хезмәт хакы түләгәндә, Татарстан Республикасында Дәүләт хезмәт инспекциясенә, шулай ук прокуратура һәм судка мөрәҗәгать итәргә хокуклы.
Хезмәт өчен түләүнең минималь күләмен түләү буенча дәүләт гарантиясен тәэмин итү өлешендә хезмәт законнарын бозган эш бирүчеләр административ хокук бозулар турында Россия Федерациясе кодексының 5.27 статьясы нигезендә административ җаваплылыкка тартыла. Мәгълүмат өчен: «Хезмәт законнарын һәм хезмәт хокукы нормаларын үз эченә алган башка норматив хокукый актларны бозу» административ хокук бозулар турында Россия Федерациясе кодексының 5.27 статьясы.
Административ хокук бозулар турында Россия Федерациясе кодексының 5.27 статьясының 6 өлеше нигезендә, хезмәт законнарында каралган күләмнән кимрәк күләмдә хезмәт хакы билгеләү - вазыйфаи затларга ун меңнән егерме мең сумга кадәр, эшмәкәрлек эшчәнлеген юридик зат төземичә гамәлгә ашыручы затларга - бер меңнән биш мең сумга кадәр; юридик затларга - утыз меңнән алып илле мең сумга кадәр күләмдә административ штраф салуга яисә кисәтүгә китерә.
Административ хокук бозулар турында Россия Федерациясе кодексының 5.27 статьясының 7 өлеше нигезендә, 5.27 статьяның 6 өлешендә каралган административ хокук бозу кылган өчен элегрәк шундый ук хокук бозулар өчен административ җәзага тартылган зат тарафыннан административ хокук бозу кылу, әгәр бу гамәлләр җинаять җәзасына дучар ителмәсә, - вазыйфаи затларга егерме меңнән алып утыз мең сумга кадәр күләмдә административ штраф яки бер елдан алып өч елга кадәр дисквалификация салына; эшмәкәрлек эшчәнлеген юридик зат төземичә гамәлгә ашыручы затларга - ун меңнән алып утыз мең сумга кадәр; юридик затларга - илле меңнән алып йөз мең сумга кадәр; юридик затларга - илле мең сумга кадәр.
Эш бирүченең хезмәт өчен түләү өлешендә хезмәт законнарын бозу, хезмәт хакын түләүне тоткарлау мәсьәләләре буенча “кайнар линия" телефоннары эшли:
(85569) 6-07-17 – Баулы муниципаль районы Башкарма комитеты;
(85569) 5-62-29 – “Баулы шәһәре халыкны эш белән тәэмин итү үзәге” ДКУ