Баулы районында иң яхшы укытучыларның исемнәре билгеле булды

2025 елның 23 декабре, сишәмбе

“Ел укытучысы” конкурсының муниципаль этабы тәмамланды. Ул 7 нче мәктәп базасында өч көн буена дәвам итте. Биредә укытучылар инновацион алымнар, креативлык һәм үзләренең төп миссияләрен - балаларны ничек укырга өйрәтү осталыкларын күрсәттеләр. Тантаналы чарада район башкарма комитеты җитәкчесенең социаль мәсьәләләр буенча беренче урынбасары Илмира Хөснуллина чыгыш ясады.

Җиңүче:

Ел укытучысы - Айгөл Әхмәдова (3 нче урта мәктәп)

Педагогик дебют - Флорида Михайлова (7 нче урта мәктәп)

Туган тел укытучысы - Лениза Гәрәева (1 нче мәктәп)

Җиңүчеләргә Баулы районын төбәк этабында якларга туры киләчәк.

Без барлык педагогларны конкурс тәмамлану белән чын күңелдән котлыйбыз!