Татарстанлылар яңадан АКШка посылкалар һәм документлар җибәрә ала
Татарстан почта бүлекчәләре өч ай элек пошлинасыз режимны гамәлдән чыгару сәбәпле туктатылган АКШка җибәрүләр кабул итүне яңартты. Почта җибәрүләрен «Бүләк», «Документлар» һәм «Коммерция үрнәге»категорияләрендә кабул итеп була.
Барлык илләрдән товарлар белән почта җибәрүләре өчен пошлинасыз режимның гамәлдә булуы АКШ Хөкүмәтенең тиешле указы белән бәйле рәвештә туктатылды. Бу маршрут буенча илтеп җиткерү мөмкинлеге булмаганлыктан, Россия Почтасы 2025 елның 26 августыннан АКШка җибәрүләр кабул итүне вакытлыча туктатып торды.Компания АКШ белән коммерция җибәрүләре белән почта алмашуын яңарту мөмкинлеген эшләвен дәвам итә.
"Хәзер Татарстаннан Кушма Штатларга бәясе 100 долларга кадәр булган бүләкләр һәм товар кертемнәреннән башка документлар җибәрергә мөмкин. Юлламаны рәсмиләштергәндә дөрес категорияне күрсәтү мөһим. Әгәр авиаташучы яки АКШ таможня хезмәте кертемнең белдерелгән категориягә туры килмәвен ачыкласа, җибәрү җибәрелмәячәк", - дип сөйләде Россия Почтасының төбәк идарәсе директоры Илнур Мәхмүтов.
АКШТА якыннарыгызны һәм танышларыгызны Яңа ел бәйрәмнәре белән котларга өлгерү өчен, бүләкләрне 2025 елның 8 декабренә кадәр җибәрергә кирәк.
Россия почтасы 150 дән артык илгә җибәрүләр илтә