Баулы районы оешмалары 7 ноябрьгә кадәр финанс-хуҗалык эшчәнлеге турында хисап бирергә тиеш
Татарстан Республикасы тарифлар буенча дәүләт комитеты 2025 елның 9 аендагы эш йомгаклары буенча җайга салынулы оешмаларның финанс-хуҗалык эшчәнлегенә мониторинг үткәрү турында хәбәр итә.
Федераль кануннар һәм ТР Тарифлар буенча Дәүләт комитеты турындагы Нигезләмә нигезендә су белән тәэмин итү, ташландык суларны агызу, ККК белән эш итү, җылылык белән тәэмин итү һәм җылылык энергиясен тапшыру өлкәләрендә хезмәт күрсәтүче оешмалар 2025 елның 7 ноябреннән дә соңга калмыйча хисап бирергә тиеш.
Хисаплылыкны Татарстан Республикасында Ягулык-энергетика комплексы оешмаларының һәм ТКХ оешмаларының тарифларын фаразлау һәм анализлауның бердәм мәгълүмати-аналитик системасы аша сылтама буенча тапшырырга кирәк https://data-platform.ru/lk/ru_2_16/#/ .
Дәүләт комитеты шаблоннарны дөрес тутыру кирәклегенә игътибар итә. Хисап чорында финанс нәтиҗәсе тискәре булган очракта, оешмаларга зыяннар барлыкка килү сәбәпләре турында тәфсилле исәп-хисаплар һәм финанс хәлен тотрыкландыру буенча күрелгән чаралар турында мәгълүмат белән аңлатма язуы бирергә кирәк.
Хисап бирү мәсьәләләре буенча Дәүләт комитетының коммуналь өлкә оешмалары мониторингы бүлеге белгечләренә түбәндәге телефоннар буенча мөрәҗәгать итәргә була: (843) 221-82-70, 221-82-73, 221-82-77.