Татарстанда электрониканы бушлай утильләштерү программасы үз эшен яңадан башлап җибәрде
2025 елның 1 сентябреннән Татарстан Республикасы халкы һәм оешмалары хезмәт итеп туктаган электрониканы яңадан утильләштерүгә бушлай тапшыра алалар. Табигатьтән рациональ файдалану фондының «Утильләштерү мәктәбе: электроника» Федераль экологик агарту программасы төбәктә үз эшен яңадан башлап җибәрде.
Программа Россия Федерациясе Хөкүмәтенең 2017 елның 25 июлендәге 1589-р номерлы боерыгын үтәү кысаларында эшли, ул электрон һәм электр җиһазлары калдыкларын күмүне тыя.
"Программаны гамәлгә ашыру утильләштерүгә бюджет акчаларының чыгымнарын киметү генә түгел, ә безнең төбәкнең экологиясен саклап калуга да зур өлеш кертергә мөмкинлек бирә", – дип билгеләп үтәләр Татарстан Республикасы Экология һәм табигый ресурслар министрлыгында.
Утильләштерүгә нәрсә тапшырырга мөмкин?
- Компьютер һәм офис техникасы
- Көнкүреш техникасы (суыткычлар һәм кондиционерларны да кертеп)
- Электр инструментлары һәм станоклар
- Фәнни һәм медицина җиһазлары
- Шәхси гаджетлар
«Радиация» тамгасы белән тамгаланган картриджлар һәм җиһазлар кабул ителми.
Ничек катнашырга?
Дәүләт һәм муниципаль учреждениеләргә eko-fond.ru Фонд сайтында, «Электроника» бүлегендә теркәлергә кирәк. Оешмалар теркәлгәннән соң кирәкле документ формаларын алачак.
Шунысын да билгеләп үтәргә кирәк, программа кысаларында техниканы исәптән чыгару өчен кирәкле актлар бирелеп, җиһазларның техник торышына бушлай экспертиза үткәрелә. Утильләштерү, документларның тулы комплектын биреп, табигатьне саклау законнарына туры китереп башкарыла.
Ел йомгаклары буенча кыйммәтле бүләкләр һәм ведомство бүләкләре алачак иң актив һәм экологик юнәлешле учреждениеләр рейтингы төзеләчәк.
Барлык сораулар буенча программа координаторына мөрәҗәгать итәргә мөмкин:
Телефон: +7 (965) 176-32-19
Email: tatarstan@eko-fond.ru