Баулы яшьләре «Медиа на селе» зона чарасында катнаштылар
Баулы яшьләре «Медиа на селе» зона чарасында катнаштылар. Татарстан Аграр яшьләр берләшмәсе уникаль проект - танылган спикерлар катнашында бушлай мастер-класслар сериясен эшләде. Республиканың төрле районнарындагы очрашулар төрле темаларга кагылачак: блогинг, гаилә һәм гармонияле мөнәсәбәтләр, идарә, эшмәкәрлек, иҗат, туризм һәм аграр һөнәрләр.
Проектның максаты - авыл яшьләрен үзгәрешләргә рухландыру: үзләрендә, бергәлектә, туган авылларында. Танылган спикерлар белән очрашулар, җанлы фикер алышулар, яңа идеяләр.
Баулының «Яшьләр дөньясы» яшьләр үзәгенең аграр хәрәкәте активистлары Алмаз Гыйлемҗанов һәм Илина Рәшитова Лениногорскида булдылар, анда «Медиа на селе» ның беренче очрашуы тау, кыя башларын гына түгел, кешеләрнең йөрәкләрен дә яулап алган легендар шәхес белән оештырылган иде. Ул биш тапкыр дөнья рекордчысы, Гинесса рекордлар Китабы Герое, мотивацион спикер һәм Россиянең иң танылган блогерларының берсе Рөстәм Нәбиев. Катнашучылар аның чын тарихын, медиа һәм социаль активлык өлкәсендә шәхси тәҗрибәләрен ишеттеләр, шулай ук авыл җирендә мәгълүмати киңлекләрне үстерү перспективалары турында фикер алыштылар. Очрашу блогинг, гражданлык позициясе һәм шәхси үсеш белән кызыксынучы яшь катнашучылар өчен мотивацион этәргеч булды.