2025 елның 1 гыйнварыннан Татарстан Республикасында минималь хезмәт хакы турында белешмә
Татарстан Республикасы Хезмәт, халыкны эш белән тәэмин итү һәм социаль яклау министрлыгы хәбәр иткәнчә, 2025 елның 1 гыйнварыннан «Хезмәт өчен түләүнең минималь күләме турында» Федераль законның 1 статьясына үзгәреш кертү хакында» 29.10.2024 номерлы 365-ФЗ номерлы Федераль закон белән Россия Федерациясе территориясендә хезмәт өчен түләүнең минималь күләме аена 22 400 сум дәрәҗәсендә билгеләнгән.
Татарстан Республикасында Россия Федерациясе Хезмәт кодексының 133.1 маддәсе нигезендә 2024 елның 26 декабрендә Татарстан Республикасы Профсоюзлар федерациясе, Татарстан Республикасы Эш бирүчеләр берләшмәләренең Координация советы, Татарстан Республикасы Министрлар Кабинеты арасында Татарстан Республикасында минималь хезмәт хакы турында Килешү (алга таба – килешү) төзелде. Күрсәтелгән килешү нигезендә, 2025 елның 1 гыйнварыннан Татарстан Республикасы икътисадының бюджеттан тыш секторы оешмаларында айга минималь хезмәт хакы 23 200 сум күләмендә билгеләнә.
Россия Федерациясе Хезмәт кодексының 133.1 статьясы, Килешүнең 1 һәм 5 статьяларынигезендә, Татарстан Республикасы территориясендә эшләүче һәм Татарстан Республикасы территориясендә эшчәнлек алып баручы юридик зат - юридик зат, шәхси эшмәкәр белән хезмәт мөнәсәбәтләрендә торучы икътисадның бюджеттан тыш секторында эшләүче бер хезмәткәрнең айлык хезмәт хакы (компенсация һәм кызыксындыру характерындагы түләүләрне дә кертеп) әлеге чорда эш вакыты нормасы тулысынча эшләнгән һәм хезмәт нормалары (хезмәт вазыйфалары) үтәлгән очракта, 2025 елның 1 гыйнварыннан 23 200 сумнан кимрәк була алмый.
Татарстан Республикасы дәүләт һәм муниципаль учреждениеләр хезмәткәрләренә минималь хезмәт хакы “Хезмәт хакының минималь күләме” Федераль законына (ягъни 2025 елның 1 гыйнварыннан аена 22 400 сум күләмендә) ярашлы билгеләнә.
Шуңа бәйле рәвештә, хезмәткәрләр, айлык хезмәт хакын исәпләгәндә, эш вакыты нормасын (хезмәт бурычларын үтәүне) тулысынча эшләп тә, минималь хезмәт хакының билгеләнгән күләменнән түбән булган очракта, үзләренең хезмәт хокукларын яклау һәм хокукый чаралар күрү максатларында Татарстан Республикасында Дәүләт Хезмәт инспекциясенә, шулай ук прокуратура һәм суд органнарына мөрәҗәгать итәргә хокуклы.
Хезмәт хакының минималь күләмен түләү буенча билгеләнгән дәүләт гарантиясен тәэмин итү өлешендә хезмәт законнарын бозуга юл куйган эш бирүчеләр административ хокук бозулар турында Россия Федерациясе кодексының 5.27 статьясы нигезендә административ җаваплылыкка тартыла.
Мәгълүмат өчен: Россия Федерациясенең Административ хокук бозулар турында кодексының «Хезмәт законнарын һәм хезмәт хокукы нормаларын үз эченә алган башка норматив хокукый актларны бозу» 5.27 статьясы.
Россия Федерациясе кодексының административ хокук бозулар турында 5.27 статьясының 6 өлеше нигезендә, билгеләнгән срокка хезмәт хакын, хезмәт мөнәсәбәтләре кысаларында гамәлгә ашырыла торган башка түләүләрне түләмәү яки тулы булмаган түләү, әгәр бу гамәлләрдә җинаять җәзасы каралган гамәл булмаса, яисә хезмәт законнарында каралган күләмнән азрак күләмдә хезмәт хакы билгеләү – вазифаи затларга кисәтү яки ун меңнән егерме мең сумга кадәр административ штраф салуга китерә; юридик зат оештырмыйча эшмәкәрлек эшчәнлеген алып баручы затларга – бер меңнән биш мең сумга кадәр; юридик затларга – утыз меңнән илле мең сумга кадәр.
Россия Федерациясе кодексының административ хокук бозулар турында 5.27 статьясының 7 өлеше буенча. 5.27 статьясының 6 өлешендә каралган административ хокук бозулар кылу, элек шундый ук хокук бозу өчен административ җәзага тартылган зат, әгәр бу гамәлләрдә җинаять җәзасы каралмаган булса, вазифаи затларга егерме меңнән утыз мең сумга кадәр административ штраф салуга яки бер елдан өч елга кадәр срокка дисквалификациягә китерә; юридик зат төземичә эшмәкәрлек эшчәнлеген алып баручы затларга – ун меңнән утыз меңгә кадәр; юридик затларга илле меңнән йөз мең сумга кадәр.
Эш бирүченең хезмәт өчен түләү өлешендә хезмәт законнарын бозу, хезмәт хакын түләүне тоткарлау мәсьәләләре буенча “кайнар линия" телефоннары эшли:
(85569) 6-07-17 – Баулы муниципаль районы Башкарма комитеты;
(85569) 5-62-29 – “Баулы шәһәре халыкны эш белән тәэмин итү үзәге” ДКУ