Татарстанда дала байбаклары гаиләләрен санадылар
Биоресурслар буенча ТР Дәүләт комитеты хезмәткәрләре, аучылар һәм җәмәгать инспекторлары белән берлектә, дала байбакларын санап чыктылар. Ай дәвамында белгечләр «далаларны саклаучылар» ның санын өйрәнделәр, аларның яшәү территорияләрен тикшерделәр. Исәпкә алу методикасы һәр гаиләдәге оялар һәм хайваннар санын исәпләүгә нигезләнгән. Ояларны күзәтү популяция санын төгәл билгеләргә мөмкинлек бирде.
Узган елгы исәпкә алу нәтиҗәләре буенча республикада 19 187 баш дала байбагы бар. Бу гаҗәеп хайваннар Татарстанның дала киңлекләрен, бигрәк тә республиканың көньяк-көнчыгыш өлешен яраталар.
Байбакларның иң зур колонияләре Лениногорск, Баулы, Бөгелмә, Ютазы, Әлмәт һәм Азнакай районнарында урнашкан. Буа районындагы тарихи колонияләр аеруча игътибарга лаек, аларда төбәк әһәмиятендәге табигать һәйкәлләре — «Яңа Тинчәле байбак колониясе» һәм «Утинкә байбак колониясе» булдырылган. Бу территорияләр дала байбакларының уникаль популяциясен саклап калып кына калмыйча, республиканың экологик мирасы өчен дә аерым кыйммәткә ия. Быелгы исәпкә алу нәтиҗәләре августта билгеле булачак.