Россия Социаль фондының Татарстан бүлеге төбәк халкын 42 миллион сумлык югары технологияле тернәкләндерү чаралары белән тәэмин иткән
2025 ел башыннан Россия Социаль фондының Татарстан Республикасы буенча бүлеге инвалидлар өчен югары технологияле протезлар алуга 42 776 718,22 сумлык электрон сертификатлар рәсмиләштерде.
"Яңа протез белән минем тормышым яхшы якка үзгәрде. Минем "ясалма кул" белән идарә итү датчикларның мускул сигналларын уку хисабына башкарыла. Микропроцессорлы идарә итү белән протез ярдәмендә миңа уңайлы, аның ярдәмендә мин үземне ышанычлырак хис итәм", - ди производствода имгәнгән кеше ( үзенең ФИО яшерүне сораган).
Зыян күрүчеләрне реабилитацияләү программасы буенча тәкъдим ителгән кыйммәтле протез-ортопедик эшләнмәләрне гражданнар электрон сертификат ярдәмендә үзләре сатып ала ала. Продукция исемлегенә стандарт чараларны да, заказ буенча әзерләнгәннәрне дә кертеп, 300 төргә якын эшләнмә керә.
"Электрон сертификат— ул "Мир"картасына бәйләнгән уңайлы цифрлы инструмент. Ул кешегә нинди эшләнмәләр һәм күпме күләмдә файдалана алуы, шулай ук аларның бәясе һәм гамәлдә булу вакыты турындагы мәгълүматны үз эченә ала. Электрон каталог ярдәмендә Татарстанда яшәүчеләр кирәкле ТСРны мөстәкыйль сайлап кына калмыйча, тәэмин итүчеләрнең тәкъдимнәрен чагыштырып, аны яңарта да алалар», — дип билгеләп үтте Россия Социаль фондының Татарстан Республикасы буенча бүлек идарәчесе Эдуард Вафин.
Электрон каталог сервислары (https://ktsr.sfr.gov.ru/ru-RU) махсуслаштырылган кибетләрдә, даруханәләрдә, маркетплейслар яки онлайн-кибетләр аша ТСР сайларга һәм сатып алырга ярдәм итәләр. Сертификат рәсмиләштерүгә гаризаны Дәүләт хезмәтләре порталы аша бирергә мөмкин, һәм бездән тыш, хәтта МФЦда да.. Рәсмиләштерү вакыты — 10 эш көненә кадәр, ә сертификатның гамәлдә булу вакыты — 12 ай, әмма ул программада күрсәтелгән чордан артмый.
Исегезгә төшерәбез, 2025 елның 1 гыйнварыннан инвалид татарстанлылар ТСР ны ике ысул белән: электрон сертификаттан файдаланып яки натураль формада РСФ оештырган дәүләт сатып алулары аша түләүсез алырга мөмкиннәр.
Әгәр сезнең сорауларыгыз калса, сез һәрвакыт Бердәм контакт-үзәккә 8 800 100 0001 номеры аша шалтырата аласыз, шалтырату бушлай.
Россия Социаль фондының Татарстан Республикасы буенча бүлеге хезмәтләре турында барлык мәгълүматны шулай ук РСФсайтында һәм социаль челтәрләрдәге рәсми аккаунтларда: ВКонтакте, Одноклассники һәм Телеграмда табарга мөмкин.