Баулы районында пилмән көне узды
Пилмәннәр якынча 600 ел элек рус кухнясының аерылгысыз өлешенә әверелде.
«Үзебезнекеләрне ташламыйбыз» Бөтенроссия акциясе кысаларында фойеда хәйрия ярминкәсе оештырылды, анда теләгән һәркем сувенир продукциясен сатып ала һәм тематик фотозонада фотога төшә алды. Ә кечкенә кунаклар өчен мәдәният йорты каршындагы мәйданда күңелле «Пилмән уеннары» оештырылды.
Әлеге фестиваль безнең районда инде бишенче тапкыр уздырыла һәм ел саен аның кысаларында ике конкурс үткәрелә. Беренче конкурс «Искиткеч пилмән» дип атала, анда теләгән һәркем катнаша ала.
Икенче "Пилмән колагы" конкурсы районның милли мәдәни үзәкләреннән дүрт команда җыйды: татар милли мәдәният үзәгеннән - Шалты авылы командасы, чуаш милли мәдәни үзәгеннән - Васькино-Туйрала авылы командасы һәм Покров Урыстамак авылыннан ике команда - удмурт милли мәдәни үзәгеннән чыгыш ясады.
Конкурс башланыр алдыннан сәламләү сүзе белән район мәдәният йорты директоры Л.В. Мифтахетдинова чыгыш ясады. Ул барлык катнашучыларга да яхшы кәеф һәм уңышлар теләде.
Командалар җиде конкурс туры узды, анда аларга ит тарткычлар җыярга, камыр басарга һәм җәяргә, төрле формадагы пилмән ясарга, ә азакта иң күп күләмдәге пилмән ясау буенча ярышырга кирәк иде.
Район авыл мәдәният йортлары үзешчәннәре һәм солистлары башкаруындагы матур концерт номерлары бәйрәмнең чын бизәге булды! Моннан тыш, чара кысаларында традицион рәвештә пешерелгән пилмән белән сыйлану да булды.