Баулы районында урып-җыю комбайннарының әзерлеген тикшерделәр
2024 елгы урып-җыю кампаниясенә әзерлек буенча конкурста сигез хуҗалык катнашты. Техниканы карау «Берлек» ҖЧҖннән башланды, алга таба график буенча «Миңнуллин» КФХ, «Николашкино» ҖЧҖ, «Исламгалиевлар» КФХна киттеләр.
Һәр филиалда комбайннарның төзеклегенә сайлап тикшерү үткәрелгән.
Комиссиягә 84 ашлык җыю комбайны, ашлык ташу өчен транспорт, көзге туфрак эшкәртү өчен агрегатлар тәкъдим ителгән. Гомумән алганда, урып-җыюда 84 комбайн катнашачак.
Район башлыгы урынбасары Ринат Хәмидуллин механизаторлар алдына куелган бурычлар турында сөйләп үтте.
- Кырларның торышына карап, быел уңыш яхшы булырга вәгъдә итә, агрофирма комбайнчыларының төп бурычы - аны билгеләнгән срокларда һәм сыйфатлы итеп җыю, югалтуларны киметү, - диде ул.
Оешмаларда игенне басулардан ташу өчен җитәрлек күләмдә техника, ашлык саклагычлары, киптергечләр һәм су салынган савытлар бар. Комбайннар янгын сүндерү җайланмасы белән, ә хезмәткәрләр махсус кием белән тәэмин ителгән.
- Безгә 1410 гектар бөртекле культуралар, 500 гектар уҗым культуралары, калганнары язгы культуралар җыеп алырга туры киләчәк, - ди «Николашкино» ҖЧҖ директоры Гөлнара Сәмыйкова. - Бүгенге көндә бөртеклеләрнең дымлылыгы 36 % тәшкил итә. Турыдан-туры комбайнлаштыру дымлылыкның 14 процентында рөхсәт ителә. Ашлык җыюга 2024 елның 25 июлендә керешергә планлаштырабыз.
Тикшерү ахырында Татарстан Республикасы азык-төлек базары һәм авыл хуҗалыгын үстерү бүлеге башлыгы Валентин Спичков: "Бар да әзер. Иң мөһиме - бәхетсезлек очракларыннан һәм һәлакәтләрдән сакланырга. Техникалар тиешенчә, ватылмый эшләсә, урып-җыю вакытында төгәлләнер.