«Интернетка рәхмәт - 2024» компьютер грамоталылыгын өйрәнүдә пенсионерларның шәхси казанышларының 10-нчы Бөтенроссия конкурсы

2024 елның 22 апрелендә компьютер грамоталылыгын өйрәнүдә пенсионерларның шәхси казанышларының 10- нчы Бөтенроссия «Интернетка рәхмәт-2024» конкурсы старт алды. Ул «Россиянең социаль фонды» һәм «Ростелеком» ААҖ тарафыннан түбәндәге номинацияләр буенча үткәрелә:

- "Минем интернет казанышларым";

- "Минем иҗтимагый интернет инициативам";

- "Мин-интернет-йолдыз";

- "Гаилә интернет-тарихы";

- Укытучылар өчен махсус номинация "Минем авторлык эшләнмәләре".

Конкурс эшләре 2024 елның 22 апреленнән 24 октябренә кадәр «Интернет әлифбасы» сайтында (azbukainterneta.ru) кабул ителә. Конкурста катнашу өчен «Конкурс» бүлегендә һәм алга таба «Катнашуга гариза» пунктында, конкурс эшен конкурс номинацияләренә туры китереп һәм ике фотосурәт белән бергә гариза бирергә кирәк.

Конкурска 2024 елның декабрендә йомгак ясау планлаштырыла, җиңүчеләрне абруйлы конкурс комиссиясе билгеләячәк.

2015 елдан башлап 9 ел эчендә конкурста Россиянең 79 төбәгеннән 35 меңнән артык пенсионер катнашты. 227дән артык катнашучы конкурста җиңүче һәм призер булды. Барлык эшләр azbukainterneta.ru сайтында  урнаштырыла. Иң яхшылары «Дзен»да «Рәхмәт Интернетка» каналында бастырылып чыгачак.