Баулының хезмәт ветераны матур юбилеен билгеләп узды

2024 елның 5 июне, чәршәмбе

Хезмәт ветераны 40 елдан артык үзәк район хастаханәсендә санитарка булып эшли. Ире Балтабәк белән дүрт бала үстергәннәр, хәзер Миңнерәшидә Тимербаевна үзенең 10 оныгына һәм 11 оныкчыгына шатланып яши.

Истәлекле олуг юбилее көнендә ул иң якын кешеләреннән котлаулар кабул итте.

Баулы муниципаль районы башлыгының Котлау хатын юбилярга район башкарма комитеты җитәкчесенең социаль мәсьәләләр буенча урынбасары Илмира Хөснуллина тапшырды.

Миңнерәшидә Тимербай кызы барлык кунакларны җылы каршы алды һәм котлаулары, бүләкләре өчен рәхмәт белдерде.