"Киләчәк уеннары" нда фиджитал-турнир хөрмәтенә почта маркасын тантаналы рәвештә сүндерү узды
2024 елның 22 февралендә почта әйләнешенә «Киләчәк уеннарына» багышланган нәфис марка чыга. Анда «Цифралы ялкын» мультиспорт турниры эмблемасы сурәтләнгән.
Марканы сүндерү тантанасы ярышлар уза торган «Казан Экспо» халыкара күргәзмә үзәгендә узды. Чарада РФ Хөкүмәте Рәисе урынбасары Дмитрий Чернышенко, Россия Почтасы генераль директоры Михаил Волков, Бөтенроссия фиджитал-спорт федерациясе президенты Никита Нагорный, шулай ук Россия Президентының космос өлкәсендә халыкара хезмәттәшлек мәсьәләләре буенча махсус вәкиле, «Роскосмос» дәүләт корпорациясенең пилотлы космик программалар буенча башкарма директоры Сергей Крикалев катнашты.
"Кичә Россия Президенты физик һәм цифрлы дөньяларны гына түгел, төрле буыннарны гына датүгел, ә бөтен дөнья кешеләрен берләштерүче яңа хәрәкәткә старт бирде. Марка чыгарылуы күп еллар узгач та «Киләчәк уеннары» турында искә төшерергә мөмкинлек бирәчәк», – дип белдерде Михаил Волков тантанада.
22 февральдә филателистларның Россия Почтасының Мәскәү бүлекчәсендә Мясницкая урамындагы 26 - нчы йортта, шулай ук Казанда Кремль урамындагы 8 нче йортта «Киләчәк уеннарына» багышланган марканы сатып алу мөмкинлеге бар.