Баулыда «Россия чаңгы юлы – Татарстан чаңгы юлы-2024» спорт акциясе узды
Баулыда «Россия чаңгы юлы – Татарстан чаңгы юлы-2024» кысаларында чаңгы ярышлары халыкның барлык категорияләре арасында ГТО комплексын үтәп узды.
Ярышларда катнашучыларны район башлыгы Ильяс Гозәеров сәламләде.
Чаңгы марафонын ачу тантанасында мәктәпләр арасында ГТО кышкы фестивале җиңүчеләре бүләкләнде. Шәһәр мәктәпләре арасында фестивальдә 6 - нчы мәктәп командасы җиңде, икенче урынны 2 - нче мәктәп укучылары алды, ә өченче урында - 5 - нче мәктәп укучылары.
Авыл мәктәпләре арасында кышкы ГТО фестивалендә Кызылъяр мәктәбе җиңде, Исергәп мәктәбе икенче булды, ә өченче урынны Александровка мәктәбе укучылары яулады.
Авыл җирлекләре арасында беренче урынны Кызылъяр, икенче урынны Покров-Урустамак, ә шәһәр оешмалары арасында беренче урынны мәгариф бүлеге командасы яулады.
ГТО нормаларын үтәгән гаилә командалары арасында Китаповлар һәм Шиаповлар бар. Шулай ук спортчылар спорттагы казанышлары өчен Мактау грамотасы белән бүләкләнделәр.
Башта стартка мәктәпкәчә яшьтәге кызлар, аннары малайлар чыкты. Алар артыннан район җитәкчеләре һәм мәктәп укучылары ярышты.