Баулыда яшәүче ветеран 95 яшьлек юбилеен билгеләп узды

2024 елның 15 гыйнвары, дүшәмбе

Бүген үзенең зур юбилеен баулылы Адряева Кәримә Гыймали кызы каршы алды. Ветеранны район башкарма комитеты җитәкчесенең социаль мәсьәләләр буенча урынбасары Илмира Хөснуллина да котлады.

Кәримә Гыймали кызы – тыл хезмәтчәне, Бөек Ватан сугышы чорындагы фидакарь хезмәте өчен орден һәм медальләр белән бүләкләнә. Ире Зәйнулла белән бер кыз тәрбияләп үстерәләр, бүгенге көндә юбилярның өч оныгы һәм биш оныкчыгы бар.

Лаеклы ялга чыкканчы интернат-мәктәптә хезмәт куя. Кәримә Гыймали кызының гомуми хезмәт стажы 35 елдан артык тәшкил итә. Ветеран, әнисе турында горурлык белән кайгыртучы, кызы белән яши. Ә оныклары исә еш кына яраткан әбиләре янына кунакка кайтып йөриләр.