Ата-аналарга профилактик прививкалар турында

ВАКЦИНАЦИЯ-йогышлы авыруларны профилактикалауның нәтиҗәле ысулы.

Россиядә вакцина профилактикасы профилактик прививкаларның Милли календаре кысаларында үткәрелә, ул РФ Сәламәтлек саклау министрлыгының “Милли профилактик прививкалар календаре һәм эпидемик күрсәтмәләр буенча профилактик прививкалар календаре раслау турында” 2014 елның 21 мартындагы 125н номерлы боерыгы белән расланган.

Барлык прививкалар да Милли календарьгә кертелгән һәм бушлай ясала

2014 елдан Россиядә 12 инфекциядән прививка ясыйлар: В гепатиты, дифтерия, коклюш, кызылча, корь, полиомиелит, столбняк, туберкулез, эпидемик паротит, гемофиль инфекция, пневмококк инфекциясе, грипп.

Иммунизация (вакцинация) нәрсә соң ул? Бу хәзерге вакытта кулланыла торган йогышлы авыруларны массакүләм профилактикалау ысулы, баланы һәм/яки өлкәннәрне билгеле бер авырулардан тулысынча саклый яки организмда аларның  үтүен җиңеләйтә. Вакцинациянең мәгънәсе кеше организмына вакциналар кертүдән гыйбарәт. Организмга кергәч, вакциналар иммун системасының шундый ук үзгәрүенә китерә, ул чын авыру белән зарарлану нәтиҗәсендә барлыкка килә. Ләкин кеше авырып китми.

Ревакцинация-организмга вакциналарны, элеккеге вакцинацияләр тарафыннан эшләнгән иммунитет активлыгын саклау өчен, кабат кертү.

Яхшы иммунитетны барлыкка китерү өчен вакцинация ясау вакытын төгәл үтәргә кирәк.  

ПРИВИВКА ЯСАТЫР АЛДЫННАН

1. Табиб тикшерүе һәм тән температурасын үлчәү кирәк.

2. Күрсәтмәләр булганда: канның гомуми анализын, сидекнең гомуми анализын тапшырырга; табиб-белгечләр (невролог, аллерголог һ.б.) тарафыннан тикшерү үткәрергә. Кайбер очракларда Прививкага рөхсәт иммунология комиссиясе тарафыннан бирелә.
3. Кискен авырулардан соң, вакцинацияне 2 атнадан да иртәрәк үткәрү рөхсәт ителми.

4. Әгәр дә баланың сезне борчыган симптомнары булса, бу турыда табибка әйтегез.

5. Озайлы сәяхәттән кайткач ук прививка ясарга киңәш ителми.

Табибка нәрсә әйтергә кирәк:

● вакцинация алдыннан температура күтәрелмәгәнме

● йөткерү, ютәл, салкын тию булмадымы,

● баланың хроник авырулары бармы

● судорогалар, ризыкка яки даруларга аллергия реакциясе булмаганмы

* бала алдагы прививкаларны ничек кичергән (аның температурасы күтәрелгәнме, сәламәтлеге начарланганмы һ. б.)

● соңгы өч айда бала кан нигезендә ясалган препаратлар алганмы, кан җибәрү булмаганмы.

ВАКЦИНАЦИЯ ВАКЫТЫНА БАЛА СӘЛАМӘТ БУЛЫРГА ТИЕШ!

1. Баланың рационына яңа ризыклар, өстәмә ризык кертмәгез. Имезү очрагында-үзегез нәрсә ашаганыгызны күзәтегез (яңа ризыклар ашамаска тырышыгыз).

2. Прививка ясатканнан соң тиз арада реакция килеп чыкса, баланы медицина күзәтүен тәэмин итү өчен, ата-аналар бала белән прививка кабинеты янында 30 минут булырга тиеш.

3. Урамда йөрүләр кими, башка балалар белән элемтәләр чикләнә, баланы тәүлек дәвамында юындырырга киңәш ителми.

Вакцинациядән соң беренче-унынчы тәүлекләрдә вакцинага бәйле рәвештә прививкадан соң реакцияләр барлыкка килергә мөмкин.

1. Гомуми реакцияләр: 5-14 тәүлек эчендә барлыкка килә (тән температурасы күтәрелү, хәлсезлек,  йокысызлык, аппетит, елау һ.б.).

2. Җирле реакцияләр: беренче тәүлектә үсә ала, дәвамлылыгы 3 көннән артмый. Вакцина кертелгән урын (кызара, шешә, авырта).