2023 елның 1 гыйнварыннан Татарстан Республикасында минималь хезмәт хакы турында белешмә

2023 елның 1 гыйнварыннан бюджет секторы оешмалары өчен МРОТ 16 242 сум күләмендә билгеләнә, Татарстан Республикасының бюджеттан тыш секторы өчен – 19 565 сум.

Татарстан Республикасы хезмәт, халыкны эш белән тәэмин итү һәм социаль яклау Министрлыгы 2023 елның 1 гыйнварыннан «Минималь хезмәт хакы турында «Федераль законның 1 статьясына үзгәреш кертү хакында» 2022 елның 19 декабрендәге 522-ФЗ номерлы Федераль законы белән Россия Федерациясе территориясендә минималь хезмәт хакы күләме аена 16 242 сум дәрәҗәсендә билгеләнгән, дип хәбәр итә.

Россия Федерациясе Хезмәт кодексының 133.1 статьясы нигезендә, Килешүнең 1 һәм 5 статьяларында, Татарстан Республикасы территориясендә эшләүче һәм оешма белән хезмәт мөнәсәбәтләрендә торучы юридик зат,  Татарстан Республикасы территориясендә эшчәнлек алып баручы юридик зат, юридик зат белән төземичә индивидуаль эшкуар, икътисадның бюджеттан тыш секторы хезмәткәренең айлык хезмәт хакы (компенсация һәм кызыксындыру характерындагы түләүләрне дә кертеп) 2023 елның 1 гыйнварыннан әлеге хезмәткәр тарафыннан эш вакыты нормасы тулысынча эшләп бетерелгән һәм хезмәт нормалары (хезмәт бурычлары) үтәлгән очракта, 19 565 сумнан түбән була алмый.