Баулыда “Галактика балалары” Республика Фестивале палаткалы лагеренең ябылу тантанасы узды
Фестивальнең ябылуы Сабантуй уздыру территориясендә узды, палаткалы шәһәрчек шунда урнашкан иде. 6 көн онытылмаслык мизгелләр һәм якты тәэсирләр, Татарстан Республикасының 17 муниципаль районыннан 18 команда, 200гә якын катнашучылар!
Татарстан яшьләре тренингларда һәм интеллектуаль уеннарда, милли уеннар буенча мастер – классларда катнаштылар, анда халык уеннары уйнарга өйрәнделәр, аларның тарихы белән таныштылар, иҗади мастер – классларда булдылар, анда үз куллары белән төрле эшләнмәләр ясарга өйрәнделәр.
Балалар хәрби техника парадын карадылар, тарихи машиналарга кагылып, истәлеккә фотога төшә алдылар. Бу парад һәркемгә безнең армиябезнең көче, Ватаныбызны һәрвакыт якларга әзер булучылар турында искә төшерде. Балалар эзләүчеләрнең мөһим һәм авыр эше белән дә танышты. Бу батыр кешеләр сугыш вакытында үлгәннәрне табу һәм кире кайтару өчен үз гомерләрен куркыныч астына куялар. Шулай ук катнашучылар «Зарница» хәрби - патриотик уенда катнаштылар.
Фестивальдә катнашучылар Баулы шәһәренең танылган спортчылары белән очраштылар, ГТО нормативларын тапшырдылар, лагерь Спартакиадаларында катнаштылар, волейбол уйнадылар, анда командалар бер-берсе белән ярыштылар, үз осталыкларын һәм команда рухын күрсәттеләр. Балалар өчен шулай ук язучы – якташыбыз Фәнис Яруллинның Кызылъяр авылындагы йорт – музеена экскурсия программасы да оештырылды.
«Скилл ТУР» туристлык көне кысаларында яшьләр спорт туризмы һәм ориентирлашу буенча мастер – классларда, шулай ук туризм техникасы һәм беренче ярдәм күрсәтү буенча шәхси – команда ярышларында катнаштылар.
Шулай ук учак янында җырлар, дискотекалар, катнашучы командаларның иҗади кичке чаралары узды!
Ябылу һәм бүләкләү тантанасында хөрмәтле кунаклар катнашты:
ТР яшьләр эшләре Министры урынбасары Денис Лулаков
Баулы районы Башкарма комитеты җитәкчесенең социаль мәсьәләләр буенча беренче урынбасары Илмира Хөснуллина
“Радуга” ял һәм туризмны оештыру үзәге җитәкчесе, смена начальнигы Зөлфия Латипова
Хөрмәтле кунаклар балаларны фестивальнең тәмамлануы белән котладылар, иң актив командаларга, талантлы төркем җитәкчеләренә һәм төрле номинацияләрдә үзләрен гадәти булмаган рәвештә күрсәткән район һәм төркем педагогларына рәхмәт хатлары һәм дипломнар тапшырдылар.
Чараның тантаналы өлеше бию флешмобы белән тәмамланды. Балалар палаткалы лагерьда үткәргән көннәрен шатланып искә алырлар дип өметләнәбез! Яңа очрашуларга кадәр!
«Галактика балалары» фестивале ТР яшьләр эшләре Министрлыгы «Җәй» Республика үзәге, Баулы районы Башкарма комитеты һәм «Радуга»ял һәм туризмны оештыру үзәге белән берлектә оештырды.