Баулы беренче сыйныф укучыларына мәктәпкә җыенырга ярдәм иттеләр

2022 елның 12 августы, җомга

Бүген шәһәрнең үзәк мәйданында “Мәктәпкә җыенырга ярдәм ит” хәйрия акциясе кысаларында булачак беренче сыйныф укучыларына рюкзаклар тапшыру тантанасы узды.

Быел 1 сентябрьдә беренче тапкыр мәктәп бусагасын 350дән артык кыз һәм малай атлап керәчәк.

Менә инде 10 ел дәвамында яңа уку елы алдыннан беренче сыйныф укучыларына дәресләр өчен кирәкле бөтен әйбер салынган мәктәп портфельләре тапшырыла. Мондый социаль ярдәмне аз тәэмин ителгән гаиләләр һәм социаль куркыныч хәлдәге гаиләләр ала. Баулы шәһәрендә рюкзакларны 42 гаиләгә тапшырдылар, рюкзакларны авыл балалары да алачак.