Баулы районында техника чәчүгә әзер

2022 елның 4 апреле, дүшәмбе

Чәчү кампаниясендә иң мөһиме - техниканың торышы һәм орлык материалының сыйфаты. Авыл хуҗалыгы һәм азык-төлек идарәсе башлыгы Альберт Талипов сүзләренә караганда, техника язгы кыр эшләренә әзер.

30 мартка тракторларның техник әзерлеге - 100 процент, чәчү комплексларының - 98%, культиваторларның - 99%, катнаш агрегатларның - 100% булган.  Ремонт эшләрен башкаруга 35 миллион сум акча бүленгән. Шулай ук 35 миллион сумга якын запас частьләр сатып алынган, шул исәптән чит ил техникасына 24 миллион сум күләмендә.