1 гыйнвардан ятим балаларга эшсезлек буенча пособиеләрне яңача түләячәкләр

Алты айдан соң эшсезлек буенча пособие минималь күләмдә - 1,5 мең сум, шулай ук кешегә 23 яшь тулганчы исәпләнә.

Агымдагы елда халыкны эш белән тәэмин итү үзәгенә беренче тапкыр исәпкә баскан ятим балалар өчен эшсезлек буенча пособиеләр төбәк буенча уртача хезмәт хакы күләмендә билгеләнә. Шунысын билгеләп үтәргә кирәк, әлеге арттырылган түләү беренче 6 ай дәвамында, эшсез "ятим бала" статусы булган кеше элек беркайда да эшләмәгән очракта гарантияләнә.