Баулыда милли көрәш турниры узды

2021 елның 27 декабре, дүшәмбе

25 декабрьдә Баулының универсаль залында "Нургали батыр" истәлегенә көрәш буенча ачык беренчелек узды. Ярышларда 6 районнан 45 яшь көрәшче катнашты.

Балаларны Баулы районы хакимияте башлыгы Ильяс Гозәеров, Татарстанның халык артисты, көрәшче Вил Усманов, ТР Дәүләт Советы депутаты Альберт Хәбибуллин сәламләде. Кунаклар барлык катнашучыларга да уңышлы уен теләде. 
Баулының данын тренерлар Илмира Сабиров һәм Илдар Фатыйхов укучылары яклады.