Баулылар бозда сак булыгыз
"Баулы-информ" МР төркеме карьерлар буенча узды, анда ауга кышкы балык тотарга яратучылар чыкты.
Кызылъяр авылы янындагы карьерда ике балыкчы бозда балык тота иде. Шуларның берсе сүзләренчә, ул кыш көне балык тоту сезонын ун көн элек башлаган.
- Монда боз калынлыгы 25 сантиметр тәшкил итә, - ди һәвәскәр балыкчы. Шуңа күрә бернинди куркыныч та юк.
- Сай җирдә утырырга тырышабыз, монда тирән түгел, - ди икенче балыкчы.
- Ел саен кышкы сезон башлангач, Татарстан сулыкларында балыкчылар белән бәхетсезлек очраклары була, алар боз астына төшә, - ди 109 ПСЧ каравылы җитәкчесе Флюр Сәлахов. - Шуңа күрә бозга чыкканда билгеле бер кагыйдәләрне белергә кирәк. Беренчедән, нинди бозның куркыныч булуын белергә кирәк. Бер кеше өчен бозның калынлыгы - кимендә җиде сантиметр булырга, кеше төркеме өчен кимендә 12 сантиметр булырга тиеш. Боз өстеннән төркем белән түгел, берәмләп хәрәкәт итәргә кирәк. Эзләр буенча барырга һәм шулай ук кире кайтырга кирәк. Бигрәк тә куркыныч урыннар - кар өемнәре. Ә иң куркынычсыз боз үтә күренмәле була.