КФҮдә бастырылган кәгазь сертификатта медицина мәгълүматлары юк, әмма электрон статусы һәм гамәлдә булу срогы күрсәтелгән.
ТР да МФЦ директоры Ленара Мозаффарова сөйләгәнчә, хәзерге вакытта МФЦ хезмәткәрләренең РФ цифрлаштыру министрлыгы эшләгән махсус сервиска керү мөмкинлеге бар. Әлеге сервиста сертификатның кәгазь версияләре формалаша. Әмма, билгеләп үтәргә кирәк, гадәти гражданнар әлеге сервистан файдалана алмый.