Баулыда милли аш-сулар фестивале узды

2021 елның 31 августы, сишәмбе

Бәйрәм кунаклары өчен "Гастрономия зонасы" милли аш-сулар фестивале эшләде. Баулы шәһәре оешмалары төрле халыкларның сый-нигъмәтләрен әзерләгәннәр һәм чатырлар ясаганнар иде.

Төп сәхнәдә төрле халыкларның биюләре фестивале узды. Анда шәһәр һәм район коллективлары чыгыш ясады. Соңыннан сәхнәгә ТР халык артисты Вил Усманов һәм Айдар Фәйзрахманов җитәкчелегендәге Татарстан Республикасы фольклор музыкасы ансамбле чыкты.