Хезмәткә түләүнең минималь күләме турында

2021 елның 1 гыйнварыннан МРОТ бюджет секторы оешмалары өчен - 12 792 сум, Татарстан Республикасының бюджеттан тыш секторы өчен - 15400 сум күләмендә билгеләнә.

«Халык контроле» дәүләт мәгълүмат системасы кулланучылардан керә торган хәбәрләр буенча хезмәт мөнәсәбәтләре рәсмиләштермәгән һәм «соры» хезмәт хакы түләүче эш бирүчеләрне ачыкларга, аларга карата йогынты ясау чараларын күрергә мөмкинлек бирәчәк.

1 гыйнвардан үз көченә кергән 29 декабрендәге 473-ФЗ номерлы Федераль закон нигезендә хезмәт өчен түләүнең минималь күләме 2021 елның 1 гыйнварыннан аена 12 792,00 сум күләмендә билгеләнгән.

Татарстан Республикасында 2020 елның 30 декабрендә Татарстан Республикасы Хөкүмәте, ТР Профсоюзлар федерациясе һәм ТР Эш бирүчеләр берләшмәсе Координация советы арасында бюджеттан тыш сектор өчен аена 15 400,00 сум күләмендә хезмәт хакы каралган өч яклы килешү төзелде. Тулы ай эшләгән хезмәткәр аннан да кимрәк күләмдә хезмәт хакы ала алмый.

Хезмәт хакончалыгын бозган эш бирүчеләр администратв җәзага тартыла.

Шуңа бәйле рәвештә, үзләренең хезмәт хокукларын яклау максатларында, хезмәткәрләр Татарстан Республикасында Дәүләт хезмәт инспекциясенә, шулай ук, эш вакытының айлык нормасы тулысынча үтәлгән булуга карамастан, хезмәт хакы киметелеп исәпләнгән очракта, судка һәм прокуратура органнарына мөрәҗәгать итәргә хокуклы.

Хезмәт хакын түләүне тоткарлау өчен эш бирүчегә кисәтү ясала яки административ штраф салына:

җитәкчегә – 10000 сумнан 20 000 сумга кадәр;

шәхси эшмәкәргә – 1 000 сумнан 5 000 сумга кадәр;

юридик затларга – 30 000 сумнан 50 000 сумга кадәр (РФ КоАП 5.27 ст. 6 өлеше).

Шундый ук хокук бозу кабатланса, эш бирүчегә тагын да катгыйрак санкцияләр яный:

җитәкчегә 20 000 сумнан 30 000 сумга кадәр штраф салына яки ул 1 елдан 3 елга кадәр дисквалификацияләнә;

шәхси эшмәкәргә – 10 000 сумнан 30 000 сумга кадәр штраф;

юридик затларга – 50 000 сумнан 100 000 сумга кадәр штраф (РФ КоАП 5.27 ст.7 өлеше).