Баулы халкын 3 һәм 4 мартта хәбәр итү системаларын тикшерү булачагы турында кисәтәләр
Баулы халкын борчылмаска һәм тапшырылачак хәбәрләрне игътибар белән тыңларга чакыралар. Тикшерүнең максаты - гражданнар оборонасы идарәсенең техник системаларын һәм халыкка хәрби конфликтларда барлыкка килә торган куркынычлар турында хәбәр итү системаларын даими әзерлектә тоту. Гадәттән тыш хәл яки аларның барлыкка килү куркынычы янаганда, шулай ук язгы ташу һәм җәйге янгын куркынычы чорына хәбәр итү системаларын әзерләү өчен.
3 мартта хәбәр итү системасы аша команда җиткереләчәк: "Игътибар, халыкка хәбәр итү системаларын тикшерү буенча тренировка үткәрелә. Күнегүләр Мәскәү вакыты белән 9.00 сәгатьтә башлана".
10.30 дан 11.30 га кадәр телерадиотапшырулар челтәрләре буенча хәбәрләр тапшырылачак ("Татарстан Яңа Гасыр" телевизион каналы һәм эфир телевидениесе һәм радиотапшыруларының цифрлы каналлары 1 һәм 2 мультиплекс (РТРС-1,2).
9.30 дан 10.30 га кадәр - сирена җайланмаларын тикшерү. Хәбәр тексты: «Игътибар! Халыкка хәбәр итү системасын тикшерү үткәрелә".
10.00 дән 10.30 га кадәр С-40 электросирена тикшереләчәк.
9.30 дан 10.30 га кадәр - ЕДДС белән автоматик режимда хәбәр итүнең локаль системаларын эшләтеп җибәрү булачак.
10.30 дан 11.30 га кадәр - 1-2 класслы куркыныч җитештерү объектларына кертелгән һәм хәбәр итү системалары булган предприятиеләрнең ДДС белән локаль хәбәр итү системаларын эшләтеп җибәрү.
Шулай ук 4 мартта 9.00 сәгатьтән 9.30 га кадәр транспортта видеоролик җибәреп халыкка мәгълүмат бирү системасы тикшереләчәк.