Мини-футбол буенча беренчелектә Баулы командасы призлы урыннар алды

2021 елның 1 марты, дүшәмбе

Баулы шәһәренең универсаль спорт залында  2009-2010 елгы яшүсмерләр арасында Татарстан Республикасында "Динамо" җәмгыятенең 90 еллыгына багышланган мини-футбол буенча беренчелектә җиңүчеләр билгеләнде.

Призлы урыннар өчен Баулыдан ике команда, Бөгелмәдән ике команда һәм Актүбәдән бер команда көч сынашты. 

Беренче урынны Баулы-1 командасы, икенче урынны Бөгелмә-1 командасы, өченче урынны Баулы-2 командасы яулады. Җиңүчеләргә кубоклар һәм медальләр тапшырылды.