Баулыда кем бүләк алачак?

2020 елның 23 декабре, чәршәмбе

Һәр бала яңа ел бүләге турында хыяллана. Аларны балаларга туганнары гына түгел, район җитәкчелеге дә ясаячак.

Аларны сатып алу өчен җирле бюджеттан 630 мең сум акча бүлеп бирелгән. Барлыгы 3500 бүләк сатып алынган. Район мәгариф бүлеге баш белгече Лилия Бәдретдинова әйтүенчә, быел Баулы районы балалар бакчаларында тәрбияләнүче 1527 бала татлы бүләкләр алачак. Аларны Чыршы бәйрәме вакытында тапшыралар. Шулай ук 1772 башлангыч сыйныф укучысы баллы презентлар алачак.  Сәламәтлек мөмкинлекләре чикләнгән балаларга һәм авыр хәлдә калган балаларга да бүләк таратачаклар.